Neqeroorummut immikkuualuttut
Suliassat ataatsimut isigalugit tassaapput:
- Nanortalimmi eqqagassanik aallerneq, assartuineq eqqaanerlu
- Nanortalimmi anartarfinnik aallerneq, assartuineq kueraanerlu
- Nanortalimmi anartarfiit tankiinik imaarsineq, imaanik angallassineq kueraanerlu
- Eqqakkanut containerinik 660L-inik aallerneq eqqaanerlu
Taakku katikkaanni sapaatit akunneranni eqqaavinnik aallernerit 542-iupput, anartarfinnik 192-inik imaarsinerullutik kiisalu containerinik imarsinerit 37-iullutik, taavalu kvartalimut kuuffiit tankiinik imaarsinerit 40-iullutik.
Suliassaq 01-01-2025 aallarnerneqassaaq 31-12-2027-illu tungaanut ingerlanneqassalluni.
Suliassami atuuttut:
- Suliariumannittussarsiuussineq una ulluligaq 13-11-2024
- Immikkut piumasaqaatit (SB) aamma Immikkut suliassamik nassuiaat (SA) 13-11-2024-meersoq
- Neqeroorutit allassimaffiat suliassat agguarnerinik allassimaffittalik
- Naqqiutaajunnartut piffissap suliariumannittussarsiuussinerup nalaani nassiunneqartut
- Suliassamut sillimmasiissutit isumaqatigiissutip ukiumut nalingata 10%-iinik amerlassuseqarput isumaqatigiissutillu atuuffiani tamarmi atuutissallutik.
Suliariumannittussarsiornermi allakkiap matuma saniatigut paasissutissat allat Kommune Kujallermit pissarsiarineqarsinnaapput.
Piffissamut pilersaarut
Nalornissutinik apeqquteqarnissamut killigititaq: 06-12-2024
Suliariumannittussarsiorneq 13-12-2024
Nalornissutit allakkatigut Qaqortumi Teknikkimut Avatangiisinullu Ingerlatsivimmut saaffiginnissutigineqassapput, att.: Asger Bahnsen Nielsen (e-mail: teknik@kujalleq.gl )
Tamatuma kingorna neqerooruteqartunut tamanut imaqarniliamik nassiussisoqarsinnaavoq.
Uppernarsaalluni neriorsuuteqarlunilu nalunaarut
Pisortanut akiitsut akilersinniarneqartarnerat pinaveersaartinneqarnissaallu pillugit Inatsisartut inatsisaat nr. 3, 2. maj 1996-imeersumi § 7 naapertorlugu , entrepenøri neqerooruteqartutut uppernarsaasussaavoq qanoq amerlatigisunik pisortanut akilerneqanngitsunik akiitsoqarnini pillugu.
Uppernarsaalluni atsiorfissaq neqerooruteqarfissat allassimaffiannut ilanngussaavoq.
Uppernarsaat atsiorneqartoq aatsaat oqartussaniit akuerineqareerpat neqeroorut akuerineqassaaq.
Neqeroorut
Kommune Kujalliup neqeroorutitsinermut nalunaarsuiffianiittunut neqerooruteqartoqassaaq neqeroorutillu allakkat puuannut matoqqasumut ikilillugit tunniuneqassallutik / nassiunneqassallutik:
Kommune Kujalleq
Teknikkeqarnermut Avatangiisinullu ingerlatsivik Nanortalik
Postboks 166
3922 NANORTALIK
Nalunaaqqutserlugit ”Nanortalimmi eqqaavilerinermut anartarfilerinermullu neqeroorutit”
Neqeroorut atorsinnaassappat neqeroorutissat allassimaffianni immersugassat tamarmik immersorneqarsimassapput.
Suliassap allatut naammassineqarnissaanik neqeroorutit, pissutsimikkut suliuarimannittussarsiorneqartunit allaassuteqanngitsut, tiguneqarsinnaapput neqerooruteqartitsinermi matumani tunngaviit naapertorlugit aamma neqerooruteqartoqarpat. Aningaasartuutit tamarmik aammattaaq suliap allatut isumagineqarnissaanut ilanngunneqareersimassapput.
Suliap allatut naammassineqarnissaanik neqeroorutaajunnartut ima sukumiitigissapput taassuma imarisai suliariumannittussarsiornermi maleqqusat naapertorlugit Kommune Kujallermi naliliivigineqarsinnaassallutik.
Neqeroorummik aalajangiussineq
Entreprenørip ullormit neqerooruteqarfimmiit qaammatit marluk ingerlaneranni neqeroorutigisat aalajangiusimaneqassapput. Neqeroorutit qaammatini marlunni aalajangiusimaneqarnissaannik piumasaqaammut pissutaasoq tassaavoq neqeroorutit tiguneqartut Teknikkimut Avatangiisinullu Ataatsimiititaliamit kiisalu Kommunalbestyrelsimit suliarineqaqqaartussaanerat.
Tunniussineq
Suliamik tunniussinermi akikinnerpaamik neqerooruteqarneq najoqqutarineqassaaq, tamatumanilu ilisimaqquneqassaaq suut allannguuteqaratarsinnaasutut mianereqquneqartut neqeroorutit aningaasartai sanilliussinikkut nalilersorneqassammata.
Entrepenørip suliamik naammaginartumik tassa naleqquttumik piffissaq akilu eqqortoq atorlugu pitsaasumik naammassinninnissaa ilimananngippallaarujussuarpat Kommune Kujalleq neqeroorummik ataatsimik arlalinnilluunniit itigartitsissalluni imminut pisinnaatippoq.
Ilisimaqquneqassaaq suliassat naammassineqarnissaannut suliap aningaasartaanik Kommune Kujalliup akuersinissaa apeqqutaassammat.
Kommune Kujallermi Teknikkimut Avatangiisinullu Ingerlatsivimmi, Mathiesenip aqq B-1060, 3922 Nanortalik ulloq ulloq 13-12-2024 nal. 14.00, neqerooruteqarsimasut peqataarusuttut najuuttoralugit neqeroorutit ammarneqassapput.
Suliakkiisoq
Suliakkiisoq Kommune Kujalleq