Neqeroorummut immikkuualuttut
Akileraartarnermut Aqutsisoqarfik Kalaallit Nunaanni unnuinermut akitsuummut qarasaasiatigut ineriartortsitsinermut atuutilersitsinermut, kingorna ingerlatsinissamut aammalu sullissinissamut tunngatillugu suleqatissamut neqerooruteqartitsivoq. Atortorissaarut taanna inuit namminneq pigisaminnik inuussutissarsiutigalugulu attartortitsisartunik unnuinermut akitsuummik digitalimik nalunaaruteqartarnissamut akiliinissamullu periarfissiissaaq. Tamatuma saniatigut Akileraartarnermut Aqutsisoqarfik aqutsinermut, nakkutilliinermut naatsorsuusiornermullu paasissutissanik pissarsisinnaanngussaaq.
Aaqqissuussaq nittartagaq atorlugu atorneqarsinnaassaaq, atuisunut naleqquttumik ilusilersorneqarsimassaaq, aammalu attaveqaqatigiinnermut pingaarutilinnik attaveqarsinnaassalluni soorlu MitID, Prisme kiisalu akiliutigineqarsinnaasunut aaqqissuussaassalluni.
Suliassaq makkuninnga imaqarpoq: ineriartortitsineq, misileraaneq, atuutilersitsineq aammalu ingerlatsinermut atatillugu sullissineq – isumannaallisaanermut nutarterisarnerit ilanngullugit.
Ingerlatsinermut sullissinermullu sivikinnerpaamik marloriarluni ukioq ataatsimik sivisussusilimmik tunineqarsinnaanermut periarfissaqarpoq.
Aaqqissuussaq 1. februar 2026-mi atuutilersinneqareersimassaaq.
1) Neqerooruteqartitsinermi atorneqartoq:
Neqerooruteqartitsineq tamanut ammasumik ingerlanneqassaaq, Inatsisartut inatsisaat nr. 6, 12. juni 2019-imeersumi, § 13 naapertorlugu, innuttaasunut ingerlatsivinnit pisisarnermut sullissinermullu tunngasunik.
2) Neqerooruteqartitsisoq:
Akileraartarnermut Aqutsisoqarfik
Intaleeqqap Aqqutaa 1
Postboks 1605
3900 Nuuk
Kalaallit Nunaat
CVR-nr.: 19030278
E-mail: tax@nanoq.gl
3) Tunniussinermut tunngavi:
Isumaqatigiissut tunniunneqassaaq aki aamma pitsaassuseq apeqqutaalluni pitsaanerpaamik naleqquttumillu naleqqersuinermut tunngavi tunngavigalugu.
4) Neqerooruteqarnissamut killigititaq:
Neqeroorutit tiguneqareersimassapput kingusinnerpaamik ulloq 1. september 2025 nal. 08:00 (VGT).
5) Ujaasinissamut paasissutissat:
Ujaasinissamut paasissutissat, ilanngullugit piumasaqaatinik allattorsimaffik aammalu isumaqatigiissut siunnersuutigineqartoq, ujaasiffimmi nittartakkami pissarsiarineqarsinnaapput.
Attavigineqarsinnaavoq uunga:
Maj Bendix Lassen; mjbl@nanoq.gl
Søren Würtz; swrt@nanoq.gl
Suliakkiisoq
Suliakkiisoq Aningaasaqarnermut Akileraartarnermullu Naalakkersuisoqarfik