Neqeroorummut immikkuualuttut
Sanaartortitsisut, Kommune Qeqertalik Inoqarfik Qasigiannguit sinnerlugit matumuuna suliassaq qulaani pineqartoq tamanut ammasumik suliariumannittussarsiuunneqarpoq.
Sanaartugassaq pineqartoq illu quleriit 6-it ilaqutariinnut inissiartaqarpoq, Qasigiannguit Immikkoortaq 1100-A03-mi inissisimavoq. Sanaartugassaq bruttoareal 606 m² missaanik angissuseqarpoq.
Suliassaq suliassamut pingaarnermut (hovedentreprise) neqeroorutigineqassaaq, suliassarlu ataani suliassanut 1-7 immikkoortiterlugu sanaartorneqartussaalluni.
1. Suliassat nunamut tunngasut
2. Betonilerineq
3. Qarmaasut suliassaat
4. Sanasut pequsiortullu suliassaat
5. Qalipaasut suliassaat
6. Vvs-ilerisut suliassaat
7. Innaallagisserisut suliassaat
Suliassap tunniuneqarnissaanut »appasinnerpaamik akeqartitsineq« tunngavigineqassaaq.
Suliassap august 2025 naanerani-t aallartinneqarnissaa naatsorsuutigineqarpoq, aammalu oktoberip naanerani 2027-mi naammassineqarnissaa naatsorsuutigineqarluni.
Neqeroorut neqeroorutinut ilaatinneqassappat, neqerooruteqartup uku ilanngutissavai:
- Neqerooruteqartup pisortanut akiitsuinut uppernarsaat, sanaartortitsisorlu paasissutissanik allanik pisortanut aallersinnaaneranik pisinnaatitsissut.
Neqerooruteqarnissamut najoqqutassat mail-ikkut inniminnerneqarsinnaapput, uunga: Qarsoq Tegnestue ApS: udbud@qarsoq.gl qulequtalerlugu “6 familieboliger, Qasigiannguit”. Tamatuma kingorna neqerooruteqartoq neqerooruteqarnissamut najoqqutassanik nassinneqassaaq, imaluunniit naqiterinermut nassiussinermullu akiliuteqarnikkut neqerooruteqarnissamut najoqqutassat pappiaranngorlugit tigunerini akiligassanngorlugit nassiunneqassapput. Neqerooruteqarnissamut atortussat inniminnerneqarsinnaapput tallimanngorneq 6. juni 2025 tikillugu.
Neqerooruteqarnissamut piffissarititaq, suliariumannittussarsiuussinerup qaqugu sumilu pinissaa neqeroorusiornermut atortussat allakkiartaanni allassimassaaq.
Neqeroorutinik ammaaneq aammalu sumiiffia:
Neqeroorutinik ammaaneq uani pissaaq:
Kommune Qeqertalik
Inoqarfik Qasigiannguit
S. M. Saxtorphsvej 1
3951 Qasigiannguit
Sisamanngorneq ulloq 10 juli 2025, nal:. 11:00
Suliakkiisoq
Suliakkiisoq Kommune Qeqertalik